Аддзел краязнаўства — структурнае падраздзяленне Бібліятэкі, цэнтр яе краязнаўчай дзейнасці. У склад аддзела ўваходзіць сектар рэгіянальнай бібліяграфіі і інфармацыі па культуры і мастацтву.

Асноўным зместам работы з’яўляецца: выяўленне, збор, арганізацыя, захаванне і выдача для карыстання чытачам краязнаўчых і рэгіянальных друкаваных дакументаў.

Фонд аддзела налічвае больш за 46 000 экз. кніг, каля 40 папак «малых форм» друкаваных выданняў Брэсцкай вобласці (афіш, плакатаў, паштовак і інш.) на беларускай, рускай, украінскай і польскай мовах, больш за 150 назваў беларускіх перыядычных выданняў.

Чытачы могуць карыстацца аб’ёмным даведачна-бібліяграфічным апаратам, які ўключае:

* краязнаўчы (традыцыйны) сістэматычны каталог (больш за 350 тыс. крыніц);

* храналагічны каталог мясцовых выданняў;

* электронная база даных (ЭБД) «Краязнаўчая літаратура»;

* энцыклапедычныя і даведачныя выданні.

Асаблівую цікавасць выклікае субдамен «Краязнаўства Берасцейшчыны», які яднае і каардынуе краязнаўчую інфармацыю Бібліятэкі і бібліятэк вобласці.

Аддзел ажыццяўляе выдачу дакументаў са свайго фонду і аддзела захоўвання асноўнага фонду ў рэжыме чытальнай залы.

Аддзел вядзе асветніцкую дзейнасць — арганізуе прэзентацыі кніг, кніжныя выставы, літаратурныя вечарыны і сустрэчы з цікавымі людзьмі, удзельнічае ў доўгатэрміновых праектах Бібліятэкі.

Аддзел аказвае дадатковыя платныя паслугі:

* выдача выданняў павышанага попыту дадому;

* вывад інфармацыі на друкаваны носьбіт;

* тэматычны падбор літаратуры;

* выдача дакументаў з фондаў аддзела для фотаздымкі на абсталяванні карыстальніка ў межах Бібліятэкі;

* праверка на вірусы здымнага носьбіта;

* арганізацыя тэматычных выязных выстаў з бібліяграфічным аглядам да іх па запыту заказчыка.

Заг. структурнага падраздзялення: Жэлянгоўская Ірына Іванаўна

Рэжым работы: 10:00–19:00

Выхадны дзень: пятніца

Санітарны дзень: апошняя серада месяца

Кантактная інфармацыя: 224016, г. Брэст, б-р Касманаўтаў, 48

Тэл.: +375(162) 57 48 79

e-mail: kb.brl@mail.ru