Аддзел захоўвання асноўнага фонду — структурнае падраздзяленне бібліятэкі, задачай якога з'яўляецца арганізацыя, улік і забеспячэнне захаванасці асноўнага фонду бібліятэкі. Фонд аддзела — галіновая літаратура навуковага і навукова-папулярнага характару, энцыклапедыі, слоўнікі, даведнікі, манаграфіі, зборы твораў класікаў сусветнай і айчыннай літаратуры. А таксама беларускія і расійскія перыядычныя выданні мінулых гадоў.

Дакументы кожнага віду згрупіраваны ў падфонды:

• кнігі (224 950 экз.);

• часопісы (1167 назваў, 284 677 экз.);

• газеты (6980 падшывак, 454 назваў);

• аўтарэфераты дысертацый (12 534 экз).

У аддзеле захоўвання асноўнага фонду выдзелена калекцыя класікаў марксізму-ленінізму (1 025 экз. дакументаў).

Аддзел захоўвання асноўнага фонду ўзаемадзейнічае з іншымі структурнымі падраздзяленнямі бібліятэкі:

• атрымлівае новыя дакументы з аддзела камплектавання фондаў і перадае іх у іншыя падраздзяленні бібліятэкі;

• прымае літаратуру з аддзелаў абслугоўвання чытачоў, якая мала пытаецца, але не страціла каштоўнасці;

• прымае на захоўванне перыядычныя выданні мінулых гадоў;

• ажыццяўляе выдачу літаратуры ў чытальныя залы і аддзел інфармацыйна-бібліяграфічнай работы па чытацкіх запытах.

Адзіныя і апошнія экземпляры кніг, часопісаў, падшывак газет захоўваюцца ў фондзе пастаянна.

Даведачны апарат аддзела захоўвання асноўнага фонду складаюць:

• тапаграфічны каталог;

• алфавітная картатэка часопісаў;

• алфавітная картатэка газет.

Загадчык аддзела: Выступкіна Наталля Мікалаеўна.

Рэжым працы: 10:00-19:00.

Выхадны дзень: пятніца.

Санітарны дзень: апошняя серада месяца.

Кантактная інфармацыя: 224016, г. Брэст, б-р Касманаўтаў, 48.

Тэл.: +375 162 57 48 73.

Міжбібліятэчны абанемент (МБА) і абменны фонд — структурнае падраздзяленне бібліятэкі, галоўнай задачай якога з’яўляецца поўнае і хуткае задавальненне запытаў чытачоў на кнігі, якія адсутнічаюць у бібліятэцы.

МБА дае магчымасць аддаленым карыстальнікам атрымліваць комплекс паслуг, якія ўключаюць: бібліяграфічную падтрымку заказаў, пошук у разнастайных базах даных, выдачу арыгіналаў дакументаў у часовае карыстанне. Брэсцкая абласная бібліятэка імя М. Горкага падтрымлівае сувязі з усімі ўніверсальнымі і галіновымі цэнтрамі МБА Рэспублікі Беларусь.

Абменны фонд фарміруецца з пасіўнай часткі бібліятэчных дакументаў, якія не страцілі сваёй навуковай і гістарычнай каштоўнасці, налічвае каля 3 тыс. экз. дакументаў на рускай і беларускай мовах.

Асноўныя задачы абменнага фонду:

• фарміраванне абменнага фонду з мэтай захоўвання дакументаў, якія мала пытаюцца, і папаўнення ўласных фондаў бібліятэкі;

• удзел у абласным, рэспубліканскім і міжнародным дакументаабмене;

• інфармаванне бібліятэк усіх сістэм і ведамстваў аб складзе абменнага фонду бібліятэкі шляхам складання і распаўсюджвання спісаў дакументаў, прызначаных для абмену і размеркавання;

• правядзенне для спецыялістаў вобласці мерапрыемстваў па павышэнні кваліфікацыі і абмене вопытам у сферы ўнутрырэспубліканскага і міжнароднага дакументаабмену.

Асноўныя крыніцы камплектавання абменнага фонду:

• дары;

• уласныя выданні бібліятэкі;

• дакументы, спісаныя з прычыны дублетнасці, з дзеючых фондаў бібліятэкі і фондаў іншых бібліятэк вобласці;

• дакументы, якія закупляюцца для міжнароднага абмену, згодна з дагаворамі аб супрацоўніцтве.

Супрацоўнік МБА і абменнага фонду: вядучы бібліятэкар Наўрасюк Таццяна Міхайлаўна.

Рэжым працы: 10:00-19:00.

Выхадны дзень: пятніца.

Санітарны дзень: апошняя серада месяца.

Кантактная інфармацыя: 224016, г. Брэст, б-р Касманаўтаў, 48.

Тэл.: +375 162 57 48 74.

е-mail: mba.brest@mail.ru (па пытаннях МБА).

е-mail: obmen.fond.brest@gmail.com (па пытаннях абменна фонду).