Аддзел бібліятэказнаўства выконвае функцыі абласнога даследчага, навукова-метадычнага, арганізацыйнага і каардынацыйнага цэнтра для публічных бібліятэк Брэсцкай вобласці (у вобласці налічваецца 393 бібліятэкі). Пры аддзеле створаны сектар маніторынгу і каардынацыі дзейнасці бібліятэк.

Спецыялісты аддзела праводзяць работу па наступных напрамках:

* ажыццяўленне метадычнай дапамогі аддзелам Бібліятэкі, публічным бібліятэкам вобласці па вядучых напрамках бібліятэчна-бібліяграфічнай і інфармацыйнай дзейнасці;

* кантроль і правядзенне рэгулярнага маніторынгу дзейнасці бібліятэк вобласці;

* арганізацыя навукова-даследчай работы (падрыхтоўка, распрацоўка методык сацыялагічных даследаванняў па актуальных праблемах бібліятэказнаўства і бібліяграфіі для бібліятэк вобласці);

* аналіз бібліятэчнага абслугоўвання, прагназаванне і планаванне дзейнасці бібліятэк. Справаздачнасць, аналіз статыстычных паказчыкаў. Стварэнне зводнай электроннай інфармацыйнай базы даных галіны культуры па бібліятэчнай дзейнасці;

* каардынацыя навукова-метадычнай дзейнасці;

* арганізацыя сістэмы павышэння кваліфікацыі ў мэтах садзейнічання росту прафесійнага ўзроўню бібліятэчных кадраў;

* выданне інфармацыйна-аналітычных і метадычных матэрыялаў па розных напрамках бібліятэчнай практыкі.

Штогод супрацоўнікамі аддзела ажыццяўляецца да 20 выездаў у бібліятэкі вобласці з мэтай аказання метадычнай дапамогі, падрыхтоўкі пытанняў на калегію ўпраўлення культуры, арганізацыі мерапрыемстваў па ўдасканаленні кваліфікацыі розных катэгорый бібліятэчных спецыялістаў.

Аддзел бібліятэказнаўства прапануе:

* метадычную і кансультатыўную дапамогу ў арганізацыі працы бібліятэк;

* прафесійныя выданні (кнігі, часопісы, электронныя дакументы), метадычныя рэкамендацыі, сцэнарныя матэрыялы па розных напрамках бібліятэчнай дзейнасці.

Сектар маніторынгу і каардынацыі дзейнасці бібліятэк

Заг. аддзела: Кузьміна Ала Сцяпанаўна.

Заг. сектарам: Барысюк Кацярына Сяргееўна.

Рэжым работы: 8:30–17.30, абедзенны перапынак: 13:00–14:00.

Выхадныя дні: субота, нядзеля.

Кантактная інфармацыя: 224016, г. Брэст, б-р Касманаўтаў, 48.

Тэл.: +375(162) 53 04 40.

e-mail: brestrl@mail.ru.