З 13 мая 2025 г. у сектары літаратуры па мастацтве Брэсцкай абласной бібліятэкі імя М. Горкага дзейнічае выстава «Легенда Купалаўскага тэатра», прысвечаная 120-годдзю з дня нараджэння выбітнай актрысы тэатра і кіно, легенды беларускай сцэны Станюты Стэфаніі Міхайлаўны.

Вялікая Стэфанія Станюта пражыла найбагацейшае, поўнае падзей жыццё: бачыла цара, памятала Вялікую Айчынную, жыла ў пасляваенным Мінску…

Сапраўдны поспех прыйшоў да яе толькі ва ўзросце. З 1932 г. працавала ў Беларускім драматычным тэатры імя Янкі Купалы ў Мінску. На сцэну выходзіла да канца жыцця — да 95 гадоў. У кіно здымалася з 1958 года. Усяго Стэфанія Станюта сыграла каля 200 роляў. Яе называлі жывой легендай, талісманам Купалаўскага тэатра.

На выставе прадстаўлены кнігі, перыядычныя выданні, якія знаёмяць з жыццём і творчасцю актрысы. Запрашаем усіх жадаючых наведаць экспазіцыю, якая будзе адкрыта для прагляду да канца траўня.

Сектар літаратуры па мастацтве

+375 162 57 48 78