25 кастрычніка аддзел выданняў на замежных мовах з задавальненнем прадставіў навучэнцам 9–11 класаў ДУА «Сярэдняя школа № 27» выставу «Гісторыя французскага кіно», якая была падрыхтавана да 160-годдзя з дня нараджэння Агюста Мары Нікаля Люм'ера — аднаго з братоў-стваральнікаў кінематографа.

Нашы госці актыўна ўдзельнічалі ў гутарцы на французскай мове аб узнікненні кіно, аб развіцці кінамастацтва ў Францыі, узгадалі вядомых рэжысёраў і любімых акцёраў. Пасля знаёмства з віртуальнымі і «жывымі» дакументамі, юнакі і дзяўчаты прынялі ўдзел у тэматычным квізе, паказаўшы не толькі добрыя веды, але і кемлівасць, зацікаўленасць, адкрытасць да новай інфармацыі.

Дзякуем нашым гасцям за цікавасць да выставы і за прыемныя зносіны.

Запрашаем усіх, хто цікавіцца гісторыяй французскага кінематографа на наступныя мерапрыемствы па папярэднім запісе да 10 лістапада 2022 г.

Аддзел выданняў на замежных мовах

+375162 59 21 74