У 2025 г. Брэсцкая абласная бібліятэка імя М. Горкага прапануе сваім карыстальнікам магчымасць бясплатнага доступу да калекцый «Выданні па педагогіцы і адукацыі», «Бібліятэчная справа і інфармацыйнае абслугоўванне» ўніверсальнай базы даных «ІВІС» праз Віртуальную чытальную залу Нацыянальнай бібліятэкі Беларусі.

Калекцыя «Выданні па педагогіцы і адукацыі» ўключае 46 назваў вядучых і найбольш папулярных часопісаў, расійскіх навукова-практычных галіновых часопісаў, спецыялізаваных выданняў па адукацыі.

Пералік часопісаў

Доступ да калекцыі прадастаўляецца ў аддзеле перыядычных выданняў і ў агульнай чытальнай зале.

Калекцыя «Бібліятэчная справа і інфармацыйнае абслугоўванне» ўключае найбольш важныя прафесійныя перыядычныя выданні, прысвечаныя тэорыі і практыцы бібліятэчнай справы (31 назва).

Пералік часопісаў

Доступ да калекцыі прадастаўляецца ў аддзеле бібліятэказнаўства.

Калекцыі ўвесь час абнаўляюцца за кошт новых нумароў і дазваляюць весці пошук па архіве. Мова дакументаў — руская.

Для працы праз аддалены доступ карыстальнікам неабходна прайсці перарэгістрацыю і атрымаць лагін і пароль. Чакаем Вас у бібліятэцы!

Дадатковая інфармацыя па тэл.: +375 (162) 57 48 39; +375 (162) 57 48 74