15 сакавіка 2024 г. у рамках «Плана ідэалагічнай работы ўстановы культуры „Брэсцкая абласная бібліятэка імя М. Горкага“ на 2024 год» адбыўся дружалюбны візіт супрацоўнікаў абласной бібліятэкі ў славутую 38-ю Брэсцкую асобную гвардзейскую дэсантна-штурмавую Венскую Чырванасцяжную брыгаду. Прадстаўнікі бібліятэкі азнаёміліся з працай ваенна-патрыятычнага клуба «Зубр», экспазіцыяй музея ПДВ, працай кінолагаў і бібліятэкі вайсковай часткі. Вайскоўцы падрыхтавалі творчую праграму для гасцей: выступленне музычнага гурта «Арлы над Бугам» і ўдзельнікаў тэатральнага гуртка пры вайсковай частцы.

За шматгадовае плённае супрацоўніцтва і аказанне дапамогі ў папаўненні бібліятэчнага фонду воінскай часці калектыву Брэсцкай абласной бібліятэкі імя М. Горкага ўручана грамата 38-й асобнай гвардзейскай дэсантна-штурмавой Венскай Чырванасцяжнай брыгады.

Дзякуем за цёплы прыём і спадзяемся на працяг дружалюбных адносін!