21 кастрычніка 2023 г. у аддзеле перыядычных выданняў прайшлі заняткі пошукава-пазнавальнага практыкума «Інтэлектуальная размінка» для вучняў 9-х класаў ДУА «Гімназія № 5 г. Брэста». Тэма заняткаў — «гісторыя».

Хлопцы шукалі ў часопісах публікацыі, у якіх можна было знайсці адказы на прадастаўленыя для іх пытанні: калі і дзе прайшоў першы Парад Перамогі, хто камандаваў, а хто прымаў Парад Перамогі? Калі быў заснаваны ордэн Перамогі і дзе ён вырабляўся? Хто і калі зацвердзіў Імператарскі Ваенны ордэн Святога Велікамучаніка і Перамаганосца Георгія, як гэтая ўзнагарода называлася пасля 1913 г.? Каго ў 1920-х г. Называлі «мяшочнікамі» і што такое «какошнік»? Хто ўвёў у Расіі ў абарачэнне папяровыя грошы, а хто з рускіх кіраўнікоў, палічыўшы папяровыя грошы злом, загадаў спаліць амаль 12 млн рублёў? Колькі асабовых бакоў маглі мець Слуцкія паясы і з чаго яны вырабляліся?

Працуючы з часопісамі («Родина», «Дилетант», «Планета»), вучыліся шукаць неабходную інфармацыю, аналізаваць яе і фарміраваць адказы на зададзеныя пытанні.

Вучні з цікавасцю абмяркоўвалі прачытаныя публікацыі. Заняткі прайшлі пазнавальна і займальна.

Запісацца на заняткі пошукава-пазнавальнага практыкума «Інтэлектуальная размінка» можна па тэлефоне аддзела перыядычных выданняў.

Аддзел перыядычных выданняў

+ 375 162 57 48 39