Раскажыце, што вы плануеце пачытаць у 2025-м? Ставіце сабе кніжныя мэты ці будзеце выбіраць па настроі? Брэсцкая абласная бібліятэка імя М. Горкага запускае кніжны марафон «25 за 2025» і прапануе вам прыняць у ім удзел.

Кніжны марафон — гэта абяцанне прачытаць кнігі са спісу за пэўны час. Мы не даем вам спіс канкрэтных твораў — пад гэтыя пункты падыдуць дзясяткі кніг, якія можна ўзяць у бібліятэцы, у сяброў або купіць у краме. Наш кніжны марафон — выдатная магчымасць выйсці за рамкі звыклых літаратурных густаў і адкрыць для сябе новыя кнігі і аўтараў.

Задача простая: прачытаць за 2025 год 25 кніг па прапанаваных пунктах. Кнігу для кожнага пункта ВЫ ВЫБІРАЕЦЕ САМІ! Пачаць марафон можна ў любы дзень года, а чытаць кнігі — у любой паслядоўнасці!

Удзел у кніжным марафоне прынясе вам шмат карысці:

• Вы пашырыце свой кругагляд, звернеце ўвагу на кнігі, якія маглі б прапусціць, а яшчэ знойдзеце цікавых аўтараў і жанры.

• Напісанне водгукаў дапаможа вам глыбей зразумець прачытанае і палепшыць навыкі пісьма.

• І — самае галоўнае! — марафон — гэта выдатная магчымасць знайсці аднадумцаў, абмеркаваць з імі прачытанае і проста пасябраваць.

Правілы марафону:

1. Пачаць удзел у марафоне можна ў любы дзень 2025 года.

2. Чытаць творы можна ў любой паслядоўнасці. Галоўная ўмова — прачытаць усе 25 кніг — па адной кнізе на кожны пункт спісу. Калі вы прачытаеце больш, мы будзем толькі рады!

3. На кожную з прачытаных кніг апублікаваць свой водгук у Instagram з адзнакай бібліятэкі @brest_library і хэштэгамі #БОБчэлендж25, #25за2025 да 31 снежня 2025 года (уключна).

4. 1 пункт = 1кніга = 1 пост (рылс).

Не пішыце некалькі водгукаў у адным пасце. Адна кніга можа адносіцца толькі да аднаго пункта. Водгук можа быць аформлены ў зручным для вас фармаце (тэкст ці відэа) і павінен выказваць ваша меркаванне аб прачытаным. Таксама не забывайце ўказваць, да якога пункта адносіцца твор.

Калі вы баіцеся застацца са спісам сам-насам, не хвалюйцеся: мы будзем падкідваць ідэі! Вынікі падвядзем у студзені 2026 года.

Пералік тэм для марафону: