18 сакавіка 2026 г. у Брэсцкай абласной бібліятэцы імя М. Горкага ў рамках інфармацыйна-асветніцкага праекта «Брэнды Брэстчыны: пад знакам якасці» адбылася сустрэча з прадстаўнікамі СП ААТ «Брэстгазаапарат» — галаўнога прадпрыемства групы кампаній «GEFEST». Удзельнікамі сустрэчы сталі навучэнцы выпускнога курса двух брэсцкіх каледжаў: політэхнічнага і прыборабудавання. Па профілі свайго навучання менавіта яны могуць стаць будучымі спецыялістамі завода.

Праграма мерапрыемства ўключала:

1. «75 гадоў таму ўсё толькі пачыналася…»: паказ відэароліка пра гісторыю і развіццё СП ААТ «Брэстгазаапарат».

2. «Сучасныя тэхналогіі ў вытворчасці пліт. Перспектывы развіцця» — выступленне Аляксандра Вітальевіча Барычэўскага, намесніка генеральнага дырэктара па якасці прадукцыі;

3. «Таварны знак «GEFEST» на карце свету» — аповед Юліі Мікалаеўны Грынчык, спецыяліста па маркетынгу, аб сучасных тэхналогіях вытворчасці і рынках збыту;

4. «Гарантыі і сацыяльныя выплаты па калектыўным дагаворы» — інфармацыя ад Ларысы Сцяпанаўны Антонавіч, спецыяліста па кадрах. Гутарка ішла аб сацыяльных гарантыях і магчымасцях для моладзі на прадпрыемстве;

5. «Моладзь у руху: магчымасці і перспектывы» — інфармацыя ад Ігара Генадзевіча Вышынскага, спецыяліста па ідэалагічнай рабоце і рабоце з моладдзю.

Напрыканцы мерапрыемства прайшла віктарына па гісторыі і сучасным развіцці прадпрыемства з розыгрышам прызоў.

Таксама была прадстаўлена выстава літаратуры «GEFEST». Марка, правераная часам».

Напрыканцы сустрэчы кожны ўдзельнік атрымаў сувенірную прадукцыю ад гасцей.

На перыяд правядзення мерапрыемства ў зале дэманстравалася сучасная прадукцыя завода — газавая і электрычная пліты.

Агульная чытальная зала,

+375 162 57 48 74