У Брэсцкай абласной бібліятэцы ім. М. Горкага 5 кастрычніка 2026 года адбылася аглядная экскурсія для людзей з інваліднасцю, якія наведваюць аддзяленне сацыяльнай рэабілітацыі і абілітацыі інвалідаў установы «Тэрытарыяльны цэнтр сацыяльнага абслугоўвання насельніцтва Брэсцкага раёна».

Госці пазнаёміліся з бібліятэчнай прасторай, кніжным фондам і паслугамі, даведаліся пра магчымасці для чытання, зносін і карыснага баўлення вольнага часу. Адмысловая ўвага была нададзена элементам даступнага асяроддзя: мнемасхемам, маўленчым апавяшчальнікам і і іншыя элементы даступнага асяроддзя.

Супрацоўнік аддзела абанемента Наталля Анатольеўна Равенка правяла для гасцей бібліятэкі мерапрыемства «Літаратурная інклюзія», у рамках якога былі прадстаўлены творы пісьменнікаў з інваліднасцю і кнігі, галоўныя героі якіх з'яўляюцца людзьмі з абмежаванымі магчымасцямі.

Сустрэча падарыла гасцям новыя ўражанні, станоўчыя эмоцыі і яшчэ раз нагадала, што кніга аб'ядноўвае людзей і адкрывае свет без межаў.

Аддзел маркетынгу і сацыякультурнай дзейнасці

+375 162 57 48 76