Not seeing a Scroll to Top Button? Go to our FAQ page for more info.
BY
 

Жить с удовольствием!

«Книги…без границ!»: встречи и чтения онлайн лучших детских книг

Рыгор Барадулін. 85 год з дня нараджэння

Чтение актуальных книжных новинок. Оставайтесь дома! Читайте дома!

Дополнительные бесплатные услуги. Оставайтесь дома! Читайте дома!

75 лет Победы в Великой Отечественной войне



Адбылася прэзентацыя новай кнігі Анатоля Гладышчука «Замок Берестейский. Книга первая. Русь»

События

Адбылася прэзентацыя новай кнігі Анатоля Гладышчука «Замок Берестейский. Книга первая. Русь»

28 чэрвеня ў аддзеле літаратуры для дзяцей і юнацтва адбылася прэзентацыя новай кнігі даўняга сябра нашай Бібліятэкі, прафесара Брэсцкага дзяржаўнага тэхнічнага ўніверсітэта Анатоля Гладышчука «Замок Берестейский. Книга первая. Русь».


Анатоль Антонавіч Гладышчук нарадзіўся 9 чэрвеня 1947 г. у в. Чарнякава Бярозаўскага раёна. Сем класаў скончыў у школе суседняй вёскі Лясковічы, 11-гадовую, з срэбным медалём, — у вёсцы Міжлессе Бярозаўскага раёна.


У 1965 г. паступіў на факультэт фізікі ў Харкаўскі дзяржаўны ўніверсітэт. Пасля заканчэння ВНУ, па запрашэнні першага рэктара Брэсцкага інжынерна-будаўнічага інстытута (зараз — Брэсцкі дзяржаўны тэхнічны ўніверсітэт) Ігара Дзмітрыевіча Белагорцава стаў працаваць ва ўніверсітэце на кафедры фізікі.

Анатоль Антонавіч — шматгранная і творчая асоба. Ён — адзін з арганізатараў горна-турыстычнага клуба «Цытадэль», прафесійны фатограф (яго фотаздымкі друкуюцца ў розных рэгіянальных выданнях), арганізатар і ўдзельнік шматлікіх, у тым ліку і міжнародных, веламарафонаў. Ён з’яўляецца аўтарам і стваральнікам першага і адзінага дакументальнага фільма аб раскопках старажытнага Бярэсця, якое адкрыў для нас вядомы беларускі археолаг Пётр Лысенка, аўтарам кнігі «Нямцэвiчы. Сапраўдныя гiсторыi», аўтарам шматлікіх навуковых манаграфій. Анатоль Антонавіч — пастаянны ўдзельнік краязнаўчага праекта Брэсцкай абласной бібліятэкі імя М. Горкага — міжнародных навукова-практычных канферэнцый «Берасцейскія кнігазборы».


Супрацоўнікамі аддзела краязнаўчай літаратуры і бібліяграфіі была падрыхтавана кніжная выстава аб жыцці, творчай і прафесійнай дзейнасці Анатоля Гладышчука. У публікацыях, прадстаўленых на выставе, ён паўстае перад намі як вучоны, пісьменнік, гісторык, краязнавец.


На мерапрыемстве былі блізкія і знаёмыя аўтара, яго студэнты і паплечнікі, вядомыя ў краязнаўчых колах людзі. На пачатку сустрэчы Анатоль Гладышчук расказаў аб прэзентуемай кнізе і сваёй працы над ёй. Выхад новага выдання ён прымеркаваў да 1000-годдзя Бярэсця і падчас свайго выступлення паспрабаваў аргументаваць і канкрэтызаваць юбілейную дату нашага горада. Акрамя таго, аўтар расказаў пра раскопкі Берасцейскага замка, у якіх ён прымаў непасрэдны ўдзел. Сярод шматлікіх выступоўцаў, якія адзначалі вялікую і выключную ролю новай кнігі для горада, можна назваць: кандыдата гістарычных навук, дацэнта кафедры гісторыі славянскіх народаў БрДУ імя А. С. Пушкіна, рэцэнзента новага выдання Аляксандра Башкова; вядомага берасцейскага паэта Міколу Пракаповіча; галоўнага архітэктара Брэста Мікалая Уласюка; доктара гістарычных навук, прафесара, загадчыка кафедры гісторыі славянскіх народаў БрДУ імя А. С. Пушкіна Аляксандра Вабішчэвіча; краязнаўца Валерыя Мароза і інш. Напрыканцы мерапрыемства дырэктар Бібліятэкі Тамара Данілюк яшчэ раз павіншавала Анатоля Гладышчука з выхадам новай кнігі і мінулай юбілейнай датай (9 чэрвеня Анатоль Антонавіч адзначыў сваё 70-годдзе), пажадала яму творчых поспехаў і новых цікавых публікацый, падзякавала ўсім выступоўцам і гасцям.


Ва ўсіх прысутных была ўнікальная магчымасць пагутарыць з аўтарам, набыць яго новую кнігу (якая, дарэчы, выйшла невялікім тыражом — 200 асобнікаў) і атрымаць аўтограф.


Жэлянгоўская Ірына Іванаўна, галоўны бібліёграф аддзела краязнаўчай літаратуры і бібліяграфіі

Тэлефон для даведак: +375 162 57 48 79










Еще по теме:

 Состоялась презентация книги брестского ученого Анатолия Гладыщука "Замок Берестейский. Книга 1. Русь" [Электронный ресурс] / Вечерний Брест – Брест, 2017. – Режим доступа: http://www.vb.by/culture/books/gladyschiuk_zamok_beresteiskii.html – Дата доступа: 03.07.2017

 "Замок Берестейский. Книга первая. Русь" [Электронный ресурс] / Реальный Брест – Брест, 2017. – Режим доступа: http://www.realbrest.by/novosti/istorija-bresta/-zamok-beresteiskii-kniga-pervaja-rus.html – Дата доступа: 03.07.2017

 Путь к Берестейскому замку XIII столетия наметил профессор Анатолий Гладыщук [Электронный ресурс] / Брестский курьер – Брест, 2017. – Режим доступа: http://www.bk-brest.by/2017/06/gladyshuk/ – Дата доступа: 03.07.2017

Профессор физики Анатолий Гладыщук спорит с официальной историей относительно даты основания Берестья [Электронный ресурс] / Вечерний Брест – Брест, 2017. – Режим доступа: http://www.vb.by/society/people/gladyschuk.html – Дата доступа: 26.06.2017

"Берестейский замок": в Бресте пройдет презентация новой книги Анатолия Гладыщука [Электронный ресурс] / TOMIN.BY – Брест, 2017. – Режим доступа: http://tomin.by/news/brest/19924-berestejskij-zamok-anatoliya-gladyshchuka – Дата доступа: 26.06.2017