Not seeing a Scroll to Top Button? Go to our FAQ page for more info.
RU
 

Выніковая калегія галоўнага ўпраўлення па адукацыі Брэсцкага аблвыканкама

Выніковая калегія галоўнага ўпраўлення па адукацыі Брэсцкага аблвыканкама

Выніковая калегія галоўнага ўпраўлення па адукацыі Брэсцкага аблвыканкама

1 лютага 2019 г. у Брэсцкім абласным цэнтры маладзёжнай творчасці адбылася выніковая калегія галоўнага ўпраўлення па адукацыі Брэсцкага аблвыканкама, у якой прынялі ўдзел: намеснік міністра адукацыі Рэспублікі Беларусь Руды Сяргей Валянцінавіч; намеснік старшыні Брэсцкага аблвыканкама Барысюк Генадзь Іосіфавіч; начальнік галоўнага ўпраўлення па адукацыі Брэсцкага аблвыканкама Прасмыцкі Юрый Мікалаевіч, а таксама кіраўнікі гарадскіх і раённых аддзелаў адукацыі, дырэктары агульнаадукацыйных школ, прадстаўнікі метадычных службаў.


У рамках мерапрыемства Бібліятэка арганізавала дзве шырокамаштабныя экспазіцыі: «БССР: история длиною в столетие» і «Педагогика современной школы», якія выклікалі вялікую цікавасць удзельнікаў нарады.


Выстава літаратуры, прысвечаная гісторыі стварэння і развіцця Беларускай Савецкай Сацыялістычнай Рэспублікі (1919–1990), аформленая як своеасаблівы летапіс нялёгкага, парой супярэчлівага, але абвеянага слаўнымі традыцыямі шляху пад назвай «БССР». На выставе экспанаваліся дакументы і матэрыялы, якія ўбачылі свет як у часы існавання БССР, так і ў апошнія гады. Былі прадстаўлены тры выданні-рарытэты з фонду сектара рэдкай кнігі Бібліятэкі, якія выйшлі ў 1925, 1927 і 1949 гг. Самую пільную ўвагу сярод прысутных выклікалі такія выданні, як: «Убийцы Хатыни: 118-й украинский батальон охранной полиции в Белоруссии, 1943–1944 гг.» (Масква, 2018); «Брест. Лето 1941 г.: документы, материалы, фотографии» (Смаленск, 2017); кнігі, якія раскрываюць жыццё і дзейнасць яркіх асоб, дзяржаўных дзеячаў, якія стаялі ля вытокаў стварэння БССР, а таксама якія ўнеслі значны ўклад у развіццё Савецкай Беларусі: З. Х. Жылуновіча, А. Р. Чарвякова, П. К. Панамарэнкі, П. М. Машэрава і інш. Адзін з раздзелаў выставы быў прысвечаны гісторыі педагогікі Савецкай Беларусі.


Выстава літаратуры «Педагогика современной школы» адлюстравала ключавыя і актуальныя напрамкі дзейнасці ў сферы адукацыі і аб’яднала вучэбную, вучэбна-метадычную, навуковую, навукова-папулярную літаратуру, а таксама перыядычныя выданні па педагогіцы ў тры раздзелы:


1. «Педагогический менеджмент» — уключаны тэарэтычныя і практычныя матэрыялы па адміністрацыйна-прававых, арганізацыйна-метадычных, псіхолага-педагагічных аспектах кіравання адукацыйнымі працэсамі ў Рэспубліцы Беларусь і Расійскай Федэрацыі.


2. «Инновационные ресурсы в педагогическом процессе» — літаратура знаёміць з сучаснымі тэхналогіямі ў навучанні і выхаванні школьнікаў розных узроставых груп, матэрыяламі па медыя-, здароўезберагальным тэхналогіям, праектнай дзейнасці і г. д. Шэраг матэрыялаў змяшчае інфармацыю па методыцы выкладання розных навучальных прадметаў з уключэннем цікавых формаў: творчых урокаў, інтэрнэт-урокаў і г. д. Канкрэтныя практыкі і методыкі вучэбнай і выхаваўчай працы надалі выставе практыка-арыентаваны характар.


3. «Учитель цифрового века» — літаратура знаёміць з асаблівасцямі педагагічнай прафесіі, узроўнем патрабаванняў да прафесійнай культуры і майстэрства педагога ў сучасны перыяд. Прадстаўлены кнігі-бестселеры, аўтарамі якіх з’яўляюцца вядомыя педагогі-наватары: Дуг Лемаў, Томас Гордан, Ніна Джэксан.


Прэзентацыю выстаў для ўдзельнікаў калегіі правяла загадчык агульнай чытальнай залы Бібліятэкі Глазкова Т. В.


Глазкова Тамара Васільеўна, загадчык агульнай чытальнай залы

Кантактны тэлефон: +375 162 57 48 74

 


Зварот да спісу