Абанемент — структурнае падраздзяленне бібліятэкі, якое дае магчымасць чытачам атрымаць літаратуру дадому.

Кніжны фонд абанемента налічвае 74 062 тыс. экз. дакументаў па многіх галінах ведаў, даведачныя выданні, вялікі выбар мастацкай літаратуры, у т. л. збор твораў класікаў, а таксама белетрыстыку на любы густ.

Карыстальнікі самастойна могуць выбіраць кнігі наступных жанраў:

·     фантастыка;

·     дэтэктывы;

·     «жаночыя раманы»;

·     гістарычныя раманы;

·     беларуская літаратура;

·     нон-фікшн;

·     мемуары;

·     коміксы і г.д.

Асноўныя напрамкі дзейнасці аддзела абанемента:

• праграма «Рускі праект», якая прадугледжвае фарміраванне і папулярызацыю фонду рускамоўных выданняў. У праграму ўваходзяць арганізацыя кніжных выстаў і бібліяграфічных аглядаў да юбілеяў рускіх пісьменнікаў, выстаў аўтараў-лаўрэатаў літаратурных прэмій Расіі, выстаў новых паступленняў. У рамках праграмы аддзел супрацоўнічае з грамадскімі арганізацыямі і аб'яднаннямі: Брэсцкім дзяржаўным універсітэтам імя А. С. Пушкіна, Брэсцкім аддзяленнем РГА «Рускае грамадства».

• З 2019 г. на базе аддзела працуе клуб «Кантэкст», які аб'ядноўвае жыхароў Брэста, якія любяць чытаць і абмяркоўваць прачытанае не віртуальна, а ў фармаце жывых зносін. Мэта клуба — вучыцца разумець аўтараў тэкстаў і сябе праз тэксты, вучыцца чуць іншыя меркаванні і бачыць невідавочнае. «Кантэкст» запрашае ўсіх прысвячаць вольны час чытанню, шукаць новыя сэнсы ў літаратуры і жыцці. Тут будуць рады таму, каму цікава паназіраць за ўласнай рэакцыяй на крытыку твораў улюбёнага аўтара, альбо зірнуць на прачытанае з другога боку.

З 2007 г. у рамках праграмы супрацоўніцтва з Брэсцкай і Пінскай епархіямі Беларускай праваслаўнай царквы ў аддзеле фарміруецца «Праваслаўная калекцыя», якая налічвае 2145 экзэмпляраў праваслаўнай літаратуры.

З 2019 г. аддзел дае карыстальнікам бясплатны доступ да электроннай бібліятэкі «Літрэс».  «Літрэс» — гэта больш за 500 000 ліцэнзійных электронных і аўдыёкніг, у тым ліку самыя актуальныя навінкі мастацкай і нон-фікшн літаратуры на мабільнай прыладзе або камп’ютары дома. На 01.01.2024 г. абанентамі сэрвісу «Літрэс» сталі больш за 1200 карыстальнікаў бібліятэкі, па іх запытах куплена звыш 10 701 кніг.

На абанеменце працуе камерцыйны фонд мастацкай літаратуры.

Абанемент аказвае дадатковыя платныя паслугі: 

– папярэдняя замова кніг па тэлефоне;

– тэматычны падбор літаратуры (да 10 выданняў);

– выдача кніг з камерцыйнага фонду;

– папярэдняя замова на кнігу;

– падаўжэнне кніг па тэлефоне (з наступнай аплатай);

– падаўжэнне тэрміна карыстання кнігамі звыш устаноўленага часу і г.д.

Загадчык аддзела: Пашкевіч Людміла Сцяпанаўна.

Рэжым працы: 10:00-19:00.

Выхадны дзень: пятніца.

Санітарны дзень: апошняя серада месяца.

Кантактная інфармацыя: 224016, г. Брэст, б-р Касманаўтаў, 48 (I паверх).

Тэл.: +375 162 57 48 09.