Інфармацыйна-бібліяграфічны аддзел (ІБА) з’яўляецца самастойным структурным падраздзяленнем Бібліятэкі. ІБА ажыццяўляе інфармацыйна-бібліяграфічнае абслугоўванне чытачоў шляхам фарміравання і выкарыстання ўніверсальнага фонду даведачных і бібліяграфічных выданняў, атрымліваючы іх першы або адзіны асобнік, які паступіў у бібліятэку, а таксама выкарыстоўваючы ў працы рэсурсы аддаленага доступу.

Даведачна-бібліяграфічны фонд ІБА на 01.01.2020 г. — 7 916 экз. Асноўную частку фонду складаюць універсальныя энцыклапедыі (Беларуская энцыклапедыя, Вялікая Расійская энцыклапедыя, Новая Расійская энцыклапедыя, Вялікая энцыклапедыя выдавецтва «ТЭРА», Вялікая савецкая энцыклапедыя, Брытаніка, Оксфардская ілюстраваная энцыклапедыя і інш.), некаторыя галіновыя энцыклапедыі, слоўнікі рускай і беларускай моў, энцыклапедычныя і тэрміналагічныя слоўнікі і іншыя даведачныя выданні.

У ІБА маюцца выданні Нацыянальнай кніжнай палаты Беларусі, бібліяграфічныя дапаможнікі, бібліяграфічныя слоўнікі, перыядычныя выданні па бібліяграфіі, Штогоднікі кнігі з 1945 года.

Інфармацыйна-бібліяграфічнае абслугоўванне чытачоў ажыццяўляецца на аснове выкарыстання даведачна-бібліяграфічнага апарату (ДБА), даведачна-бібліяграфічнага фонду (ДБФ) Бібліятэкі, інфармацыйных рэсурсаў аддаленага доступу.

У ІБО знаходзяцца:

* алфавітны каталог

* сістэматычны каталог

* сістэматычная картатэка артыкулаў (СКА)

* картатэка загалоўкаў мастацкіх твораў

* тэматычная картатэка вершаў

* паказальнік персаналій да СКА

Да паслуг чытачоў — электронны каталог (ЭК), які ўключае наступныя бібліяграфічныя базы даных уласнай генерацыі:

• Кнігі абласной бібліятэкі

• Артыкулы абласной бібліятэкі

• Аўтарэфераты

• Дакументы па мастацтве

• Аўдыёвізуальныя дакументы (аналітыка)

• Ноты (аналітыка)

• Выяўленчыя выданні (аналітыка)

• Краязнаўчая літаратура

• Замежная літаратура. Артыкулы.

• Электронныя дакументы

• Перыядычныя выданні

ІБА выконвае па запытах чытачоў усе віды даведак, у т. л. віртуальныя.

ІБА займаецца падрыхтоўкай бібліяграфічных паказальнікаў, спісаў і іншых інфармацыйных матэрыялаў па актуальных тэмах. ІБА арганізоўвае работу па павышэнні ўзроўню бібліяграфічных ведаў розных груп чытачоў, ажыццяўляе індывідуальныя і групавыя кансультацыі па выкарыстанні ДБА, праводзіць тэматычныя экскурсіі па бібліятэцы.

ІБА аказвае дадатковыя платныя паслугі:

• выдача выданняў павышанага попыту, электронных дакументаў, перыядычных выданняў на дом

• праверка на вірусы здымнага носьбіта

• капіраванне файлаў на электронны носьбіт заказчыка

• вывад інфармацыі на друкаваны носьбіт (друк чорна-белы)

• раздрукоўка тэматычных спісаў літаратуры з электроннага каталога

• рэдагаванне бібліяграфічнага апісання

• удакладненне элементаў бібліяграфічнага апісання

Заг. аддзела Зайко Аляксандр Пятровіч

Рэжым работы: з 10.00 да 20.00 (выхадныя дні — з 10.00 да 19.00)

Выхадны дзень: пятніца

Санітарны дзень: апошняя серада месяца

Кантактная інфармацыя: 224016, г. Брэст, б-р Касманаўтаў, 48. Тэл: +375 162 57 48 77

E-mail: ibobob@yandex.ru