Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
20 сакавіка 2023 г. у аддзеле перыядычных выданняў Брэсцкай абласной бібліятэкі імя М. Горкага прайшлі чарговыя заняткі пошукава-пазнавальнага практыкума «Iнтэлектуальная размінка».
Студэнты аддзялення «Беларуская філалогія» філалагічнага факультэта БрДУ ім. А. С. Пушкіна выбралі тэму заняткаў па сваёй спецыялізацыі — «Літаратуразнаўства». Хлопцам былі прапанаваны артыкулы з часопісаў «Беларуская думка», «Роднае слова» і «Планета». З публікацый студэнты даведаліся шмат цікавых фактаў з жыцця і творчасці беларускіх пісьменнікаў. Напрыклад, чаму Я. Маўр і М. Танк узялі сабе такія псеўданімы, як адзін з заводаў Менску ў 2022 г. адзначыў 105-гадовы юбілей П. Панчанкі, які беларускі пісьменнік у 70-х гг. стварыў «беларускі Гугл», якую прыпавесць пра Беларусь У. Караткевіч уключыў у свой раман «Каласы пад сярпом тваім» і іншыя). Заняткі прайшлі цікава.
Запісацца на заняткі пошукава-пазнавальнага практыкума «Iнтэлектуальная размінка» можна па тэлефоне: +375 162 57 48 39.
Аддзел перыядычных выданняў
+375 162 57 48 39