З 3 студзеня 2024 г. у аддзеле літаратуры па мастацтве Брэсцкай абласной бібліятэкі імя М. Горкага дзейнічае выстава «Василий Перов: сцены из русской жизни», прысвечаная 190-годдзю з дня нараджэння рускага жывапісца. Першарадная фігура рэалістычнай школы другой паловы XIX стагоддзя, акадэмік, прафесар Імператарскай Акадэміі мастацтваў, адзін з членаў-заснавальнікаў Таварыства перасоўных мастацкіх выстаў. Працуючы ў гістарычным і партрэтным жанрах, Пяроў выбіраў для сваіх карцін сюжэты з жыцця простага народа.

У экспазіцыі прадстаўлены кнігі, паштоўкі, рэпрадукцыі, кампакт-дыскі, перыядычныя выданні, якія знаёмяць з жыццём і творчасцю мастака. Кніга «В. Г. Перов» В. А. Ляскоўскай (Ленінград, 1989) прысвечана аднаму з найбуйнейшых рускіх мастакоў другой паловы XIX стагоддзя. Выданне не прэтэндуе на паўнату ахопу ягонага жыццёвага шляху. Задача даследчыка — намеціць асноўныя рысы мастацкага метаду Пярова, паказаць яго месца ў гісторыі рускага жывапісу як вялікага майстра-жывапісца. Кніга багата ілюстравана. Альбом «Перов» (Масква, 2009) з серыі «Великие художники» прысвечаны біяграфіі мастака і гісторыі стварэння карцін. Кніга «В. Г. Перов» У. М. Обухава (Масква, 1983) распавядае пра жыццё і творчасць рускага мастака-перасоўніка Васіля Рыгоравіча Пярова — наватара і прафесіянала сваёй справы. У выданні шмат рэпрадукцый жывапісных і графічных работ.

Запрашаем усіх жадаючых наведаць экспазіцыю, якая будзе адкрыта для прагляду да канца студзеня.

Аддзел літаратуры па мастацтве

+375 162 57 48 78