З 20 лістапада па 4 снежня 2023 г. у аддзеле перыядычных выданняў экспануецца выстава «СНІД. Міжнародная салідарнасць, агульная адказнасць».

Сусветны дзень барацьбы са СНІДам адзначаецца 1 снежня. Упершыню Гэты дзень быў абвешчаны Сусветнай арганізацыяй аховы здароўя (СААЗ) у 1988 г. і заснаваны з мэтай павышэння дасведчанасці аб эпідэміі СНІДу, выкліканай распаўсюджваннем ВІЧ-інфекцыі, як Дзень памяці ахвяр гэтага захворвання.

Вірус імунадэфіцыту чалавека (ВІЧ) — гэта інфекцыя, якая дзівіць імунную сістэму арганізма. Самай позняй стадыяй ВІЧ-інфекцыі з'яўляецца сіндром набытага імунадэфіцыту (СНІД).

Сёння Сусветны дзень барацьбы са СНІДам захоўвае сваю актуальнасць, нагадвае пра тое, што пытанне павышэння дасведчанасці аб ВІЧ-інфекцыі па-ранейшаму застаецца важным. Дзяржаўныя, грамадскія і міжнародныя арганізацыі аб'ядналі свае намаганні для правядзення кампаніі, прысвечанай пытанням, звязаным з ВІЧ. Ва ўсіх рэгіёнах свету праводзяцца мерапрыемствы, якія звяртаюць агульную ўвагу на бягучую сітуацыю і перспектыўныя напрамкі ў галіне прафілактыкі ВІЧ-інфекцыі. Намаганні медыцынскай супольнасці, сістэмы адукацыі, культуры, сродкаў масавай інфармацыі накіроўваюцца на асвету насельніцтва па пытаннях прафілактыкі ВІЧ-інфекцый. У Рэспубліцы Беларусь створана сістэма, якая забяспечвае максімальную даступнасць да кансультавання і тэсціравання на ВІЧ-інфекцыю.

На выставе прадстаўлены кнігі і публікацыі з перыядычных выданняў аб актуальных пытаннях СНІД-інфекцыі, праблемах грамадскага здароўя, аб узаемадзеянні ВІЧ-інфекцыі з каранавірусам, а таксама аб даследаваннях і новых распрацоўках па лячэнні захворвання. Экспазіцыя дэманструе матэрыялы па прафілактыцы ВІЧ-інфекцый і фарміраванні матывацыі да здаровага ладу жыцця.

Запрашаем усіх жадаючых пазнаёміцца з матэрыяламі выставы.

Аддзел перыядычных выданняў

+375 162 57 48 39