Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
З 18 студзеня па 29 лютага 2024 года ў аддзеле перыядычных выданняў будзе экспанавацца выстава «Единый день голосования. Дневник предвыборной кампании».
Выбарчая кампанія – 2024 стане найбуйнейшай за ўсю гісторыю незалежнай Беларусі. Адзіны дзень галасавання пройдзе 25 лютага: будуць абраныя дэпутаты Палаты прадстаўнікоў Нацыянальнага сходу і мясцовых Саветаў дэпутатаў. 4 красавіка вызначыцца склад Савета Рэспублікі. А да 18 красавіка стануць вядомыя вынікі выбараў дэлегатаў Усебеларускага народнага сходу. Цягам двух месяцаў будуць сфармаваныя органы прадстаўнічай улады на найбліжэйшыя пяць гадоў.
Галасаванне на выбарах — рэальная магчымасць праявіць грамадзянскую пазіцыю і прама паўплываць на лёс краіны і свайго рэгіёна.
Чаму гэтая кампанія асаблівая, чаму колькасць бюлетэняў ва ўсіх рэгіёнах будзе рознай, навошта скасавалі ўчасткі галасавання за мяжой і хто з народных выбраннікаў стане дэлегатам Усебеларускага народнага сходу? Адказы на гэтыя пытанні можна атрымаць, азнаёміўшыся з матэрыяламі экспазіцыі.
На выставе прадстаўлены артыкулы з часопісаў («Беларуская думка», «Экономика Беларуси», «Сацыяльна-эканамічныя і прававыя даследаванні», «Проблемы управления») і газет («СБ. Беларусь сегодня», «7 дней», «Народная газета», «Звязда», «Рэспубліка»).
Экспазіцыя будзе рэгулярна папаўняцца новымі публікацыямі.
Аддзел перыядычных выданняў
+375 162 57 48 74