Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
24 верасня ўдзельнікі чытацкага клуба «КанТэкст» вырашылі прысвяціць сустрэчу навінкам, прадстаўленым на выставе, падрыхтаванай напярэдадні Дня бібліятэк.
Удзельнікі клуба лічаць, што французскія кнігі валодаюць асаблівым, непаўторным складам і сюжэтам. Яны звярнулі ўвагу на творчасць Антуана Ларэна, аўтара знакамітага бэстсэлера «Капялюш Мітэрана». Новыя кнігі «Французкая рапсодыя», «Чырвоны нататнік, або Парыжскі квэст „ Cherchez la femme“» парадавалі ўдзельнікаў цікавым сюжэтам, літаратурнай мовай.
«Чорная кніга. Гісторыі жанчын Усходу» Хінд Аль Касемі без прыкрас раскрывае сапраўдныя гісторыі з жыцця звычайных арабскіх жанчын. На думку ўдзельнікаў, кніга прыадчыняе тайную заслону іншага свету, а таксама лічыць кнігу павучальнай для маладых дзяўчат.
Чытачы звярнулі ўвагу на раманы «Нешчаслівая жанчына»,«Уілард і яго кегельбанныя прызы» Рычарда Брацігана, амерыканскага празаіка і паэта. Гаварылі і пра перавыданне апавяданняў розных гадоў «Коткіна піжама» класіка Рэя Брэдберы, слухалі ўрывак з яго аповеду.
Раман рускай пісьменніцы, паэткі і перакладчыцы «Шчаслівы Фелікс» Алены Катышонак апраўдаў чаканні і не ўразіў удзельнікаў так моцна, як яе раннія раманы «Жылі-былі стары са старой», «Супраць гадзінны стрэлкі».
Раман «Кокан», напісаны кітайскім аўтарам Юэжань Чжан, адлюстроўвае падзеі 90-х гадоў кітайскай гісторыі.
Гаварылі пра кнігі Патрыцыі Хайсміт, лаўрэата літаратурных прэмій. Нягледзячы на прадказальнае развіццё сюжэту, кнігі трымаюць у эмацыйным і псіхалагічным напружанні ад першай да апошняй старонкі.
Не расчаравала ўдзельнікаў і кніга «Нявеста па фатаграфіі» Кымі Лі. Гісторыя трох карэянак, якія ў 1918 г. пакідаюць родныя дамы і адпраўляюцца ў падарожжа на Гаваі: яны вырашаюць ўступіць у шлюб, убачыўшы толькі фатаграфіі сваіх меркаваных мужоў. Кожная з дзяўчат бяжыць на іншы канец свету ў пошуках лепшага жыцця, але неўзабаве іх мары бурацца.
На сустрэчы згадвалася і нямала іншых кніг. Далучайцеся да клуба аматараў чытання!
Аддзел абанемента
+375 162 57 48 09