З 24 чэрвеня па 24 ліпеня 2023 г. аддзел літаратуры па мастацтве запрашае азнаёміцца з матэрыяламі выставы «Миссия — сохранить для потомков», прысвечанай 100-годдзю з дня нараджэння Уладзіміра Аляксандравіча Чантурыя, архітэктара, гісторыка архітэктуры, педагога. Навуковец з'яўляецца аўтарам спецыяльных і папулярных публікацый па гісторыі беларускай архітэктуры і горадабудаўніцтва.

У экспазіцыі прадстаўлены кнігі Уладзіміра Чантурыя: «История архитектуры Белоруссии (дооктябрьский период)» (Мінск, 1969), «Памятники архитектуры и градостроительства Белоруссии» (Мінск, 1986), «Атлас памятников архитектуры и мемориальных комплексов Белоруссии» (Мінск, 1983), «Памятники архитектуры Белоруссии» (Мінск, 1982), «Страницы каменной летописи Белоруссии» (Мінск, 1976) і інш.

Пра жыццё і дзейнасць архітэктара можна прачытаць у энцыклапедыях «Культура Беларусі. Т. 6» (Мінск, 2015) і «Энцыклапедыя літаратуры і мастацтва Беларусі. Т. 5» (Мінск, 1987), энцыклапедычным даведніку «Архітэктура Беларусі» (Мінск, 1993), біяграфічным даведніку «Архитекторы Советской Белоруссии» (Мінск, 1991).

Запрашаем усіх жадаючых наведаць выставу і азнаёміцца з архітэктурнай спадчынай Беларусі па кнігах Ю. А. Чантурыя.

Аддзел літаратуры па мастацтве

+375 162 57 48 78