Not seeing a Scroll to Top Button? Go to our FAQ page for more info.
RU
 

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



«500 лет спустя: «Малая подорожная книжка» Ф. Скорины»

«500 лет спустя: «Малая подорожная книжка» Ф. Скорины»

«500 лет спустя: «Малая подорожная книжка» Ф. Скорины»

10 студзеня 2022 г. у аддзеле рэдкай кнігі Брэсцкай абласной бібліятэкі ім. М. Горкага адкрыецца выстава «500 лет спустя: «Малая подорожная книжка» Ф. Скорины».


Вялікі палачанін Францыск Скарына быў не толькі першадрукаром, асветнікам, вучоным, паэтам і ўрачом, але таксама і падарожнікам. Скарына шмат ездзіў па Еўропе, вучыўся, працаваў, выконваў дыпламатычныя місіі. Магчыма, менавіта таму, ён і стварыў «Малую падарожную кніжку». Кніга была нязвыкла маленькага фармату — адна восьмая ліста, што было зручным для падарожнікаў і дазваляла вазіць яе з сабой.


У склад «Малой падарожнай кніжкі» уваходзяць: «Псалтыр», «Часасловец», «Шасцідневец», «Саборнік», акафісты, каноны. У адзінай вокладцы 21 кніга. Францыск Скарына першым у кірылічным кнігадрукаванні пачаў выкарыстоўваць тытульныя аркушы. У «Малой падарожнай кніжцы» 5 тытулаў у выглядзе назвы кнігі, прыгожа ўпісаных у гравіраваную арнаментальную рамку. Агульнага тытульнага ліста няма, ці ён не захаваўся да нашага часу. Дэкаратыўнае ўбранне «Малой падарожнай кніжкі» ўражвае. Яна ўпрыгожана ўнікальнымі гравюрамі, застаўкамі і ініцыяламі. Кніга была выдадзена каля 1522 года ў Вільні ва ўласнай друкарні Скарыны, якая стала першай у Вялікім Княстве Літоўскім і ва Усходняй Еўропе.


Выстава сабрала розныя выданні фонду аддзела: зборнікі, каталогі выстаў, энцыклапедыі, якія знаёмяць чытачоў не толькі з матэрыяламі пра «Малую падарожную кніжку», але і на яе прыкладзе расказваюць пра друкаваныя станкі, паперу, шрыфты, гравюры, графічнае афармленне і пераплёты, якія выкарыстоўваў Ф. Скарына.


Цэнтральнае месца ў экспазіцыі займае факсімільнае выданне «Малой падарожнай кніжкі».


Запрашаем ўсіх жадаючых наведаць нашу выставу.



Отдел редкой книги

Контактный телефон: +375 162 57 48 30


Зварот да спісу