Раман Анатоля Брытуна «Стражнік пушчы» ў дэтэктыўна–прыгодніцкім стылі распавядае пра гістарычныя падзеі, якія адбываліся на прасторах Белавежскай пушчы ў канцы ХVII — першай палове XIX стагоддзяў. Сюжэтныя лініі твора ўяўляюць сабой пакручастае перапляценне жыццёвых лёсаў герояў, якія трапляюць у складаныя сітуацыі і стараюцца знайсці выйсце з іх у адпаведнасці са сваімі поглядамі. Маральнымі прынцыпамі, грамадзянскімі пазіцыямі. Вернасць абавязку, вялікае каханне, загадкавыя таямніцы, стасункі чалавека з прыродай, мінулае і сучаснае — вось той невялікі пералік матываў, якія заінтрыгуюць чытача, перанясуць яго ў чароўны свет загадкавага тысячагадовага лесу.