Супрацоўнікі і чытачы Брэсцкай абласной бібліятэкі імя М. Горкага шчыра віншуюць шаноўнага калегу і дарагога сябра, загадчыка аддзелам рэдкай кнігі Расійскай нацыянальнай бібліятэкі, доктара філалагічных навук Мікалая Віктаравіча Нікалаева з 60-годдзем.

Вучоны з еўрапейскім аўтарытэтам, аўтар сур’ёзных даследаванняў у галіне кнігазнаўства, вядомы грамадскі дзеяч, ён рызыкнуў падтрымаць ініцыятыву абласной бібліятэкі і стаў у 2008 г. “хросным бацькам” сённяшняга брэнда Брэсцкай кніжніцы – міжнароднай навукова-практычнай канферэнцыі “Берасцейскія кнігазборы”. Мікалай Віктаравіч не толькі пастаянны ўдзельнік мерапрыемства, але і нязменны навуковы рэдактар трох зборнікаў (115 артыкулаў!) канферэнцыі, дарадца і памочнік бібліятэкараў і краязнаўцаў Берасцейшчыны ў іх штодзённых намаганнях і пошуках на карысць Бацькаўшчыны.

Мы ганарымся дружбай і супрацоўніцтвам з Мікалаем Віктаравічам Нікалаевым, зычым яму доўгіх плённых гадоў жыцця, новых цікавых прац, сустрэч і адкрыццяў, заўсёды чакаем яго на Берасцейшчыне!

СМИ о юбиляре:

Стралец, М. Навуковец са Шчучына : [аб 60-гадовым юбілеі выбітнага навукоўцы, актыўнага грамадскага дзеяча Мікалая Нікалаева] / Міхаіл Стралец // Літаратура і мастацтва. — 2015. — 20 лютага (№ 7). — С. 10