Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
З 21 сакавіка 2023 г. у аддзеле літаратуры па мастацтве дэманструецца выстава «От надежды к отчаянию», прымеркаваная да 170-годдзя з дня нараджэння Вінцэнта Ван Гога, нідэрландскага мастака, аднаго з найярчэйшых прадстаўнікоў постімпрэсіянізму.
Яго творчы шлях быў нядоўгім, але вельмі плённым. За дзесяць з невялікім гадоў ён стварыў больш за 2100 твораў — партрэты, аўтапартрэты, пейзажы, нацюрморты, каля 870 з іх — карціны, напісаныя маслам. Сярод якіх «Звёздная ночь», «Подсолнухи», «Ирисы», «Ночная терраса кафе в Арле» — знакамітыя палотны ў біяграфіі мастака. Нягледзячы на трагічна абарваную кар’еру і адсутнасць прызнання пры жыцці, карціны Ван Гога зараз лічацца аднымі з самых прыгожых твораў сусветнага мастацтва. У экспазіцыі прадстаўлены кнігі, мастацкія альбомы, перыядычныя выданні, камплекты паштовак. Кнігі: «Жизнь Ван Гога» А. Перушо (Смаленск, 2005), «Жажда жизни» І. Стоўна (Масква, 2011), «Неизвестный Ван Гог: последний год жизни художника» М. Бейлі (Масква, 2020) і іншыя пазнаёмяць чытача з творчасцю вялікага Майстра, раскажуць аб пошуках мастаком асаблівай маляўнічай манеры, якая адлюстроўвала яго стаўленне да свету і эмацыйны стан. Прапануем наведаць выставу, якая будзе адкрыта для прагляду да пачатку красавіка.
Аддзел літаратуры па мастацтве
+375 162 57 78 48