Not seeing a Scroll to Top Button? Go to our FAQ page for more info.
 

Электронны рэсурс «Агонь душы Ніны Мацяш»

Электронны рэсурс «Шчыраверная слову. Галіна Малажай»

Электронны рэсурс «Уладзімір Калеснік — чалавек Адраджэння»

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



Выстава да 470-годдзя заснавання Брэсцкай друкарні

Выстава да 470-годдзя заснавання Брэсцкай друкарні

Выстава да 470-годдзя заснавання Брэсцкай друкарні

З 10 студзеня 2023 г. у аддзеле рэдкай кнігі Брэсцкай абласной бібліятэкі імя М. Горкага пачне работу кніжная выстава «У пошуках страчанай спадчыны», прымеркаваная да 470-годдзя заснавання Брэсцкай друкарні.


Першая на тэрыторыі сучаснай Беларусі друкарня была заснавана ў 1553 годзе ў нашым горадзе берасцейскім старастам, віленскім ваяводам, канцлерам Вялікага Княства Літоўскага, адным з найбагацейшых і ўплывовых людзей краіны князем Мікалаем Радзівілам Чорным. Выбар Бярэсця быў не выпадковым: у XVI стагоддзі горад уяўляў сабой вялікі развіты цэнтр з шырокімі міжнароднымі і культурнымі сувязямі.

Дзякуючы такой беспрэцэдэнтнай падзеі, як адкрыццё друкарні, горад Брэст стаў датычным да сусветнай культуры кнігадрукавання.


Брэсцкая друкарня дзейнічала ў 50–70 гг. XVI стагоддзя. За гэты час яна выпусціла больш за 40 выданняў на польскай і лацінскай мовах. Адным з іх з'яўляецца Брэсцкая Біблія (1563 г.) — унікальны помнік сусветнай матэрыяльнай і духоўнай культуры, фрагмент арыгінала якой захоўваецца ў аддзеле рэдкай кнігі. На выставе прадстаўлена рэпрынтнае выданне Брэсцкай Бібліі.


Экспазіцыя пазнаёміць чытачоў з гісторыяй Брэста і Брэсцкай друкарні, а таксама распавядае пра жыццё і дзейнасць Мікалая Радзівіла Чорнага, які адыграў значную ролю ў развіцці беларускай кніжнай культуры.


Сярод выданняў, прадстаўленых на выставе, асаблівай увагі заслугоўваюць кнігі беларускага кнігазнаўцы і культуролага А. А. Сушы; брэсцкага краязнаўцы і пісьменніка А. А. Гладышчука; доктара філалагічных навук, даследчыка кніжнай культуры Беларусі М. В. Нікалаева.


Запрашаем наведаць экспазіцыю, якая будзе адкрыта для прагляду да верасня 2023 г.



Аддзел рэдкай кнігі

+375 162 57 48 30


Зварот да спісу