З 8 чэрвеня 2022 г. у аддзеле літаратуры па мастацтве дэманструецца выстаўка «Paulный впёред!», прысвечаная 80-годдзю з дня нараджэння Пола Макартні. Адзін з заснавальнікаў і ўдзельнікаў гурта «The Beatles» — сэр Джэймс Пол Макартні — брытанскі музыкант, мультыінструменталіст, пісьменнік і прадзюсар, кавалер ордэна Брытанскай імперыі.

Яго песні, якія сталі шэдэўрамі некалькі дзесяцігоддзяў таму, застаюцца залатым фондам рок-н-ролу па цяперашні час. Сярод іх: «Hey Jude», «Yesterday», «Let It Be», «Back in The USS.S.R.». Агульны тыраж сінглаў перавышае 100 млн. копій.

Кнігі, прадстаўленыя на экспазіцыі: «The Beatles: единственная в мире авторизованная биография» (Масква, 2017) Х. Дэвіса, «The Beatles. Все тайны легендарного квартета» (Масква, 2014), «Мир, созданный Beatles: театр масок» (Санкт-Пецярбург, 2007) У. Белавусава і інш. Чытач пазнаёміцца з біяграфіяй музыкі, даведаецца пра сакрэты поспеху і прычыны распаду аднаго з самых папулярных ансамбляў поп-музыкі «The Beatles». Матэрыялы выставы прадстаўляюць факты аб сольнай кар’еры спевака.

І ў цяперашні час, маючы старэчы ўзрост, Пол Макартні працягвае цешыць прыхільнікаў, нягледзячы ні на што.

Прапануем наведаць нашу выставу, якая будзе адкрыта для прагляду да канца чэрвеня.

Аддзел літаратуры па мастацтве

+375 162 57 48 78