Брэсцкая абласная бібліятэка імя М. Горкага |
|
Брэсцкая абласная бібліятэка імя М. Горкага |
|
З 7 па 13 кастрычніка 2019 г. у агульнай чытальнай зале Брэсцкай абласной бібліятэкі імя М. Горкага адбыўся Тыдзень папулярызацыі псіхалагічнай літаратуры.
Яго арганізатарам выступіла агульная чытальная зала Бібліятэкі.
Мэта Тыдня — пашырэнне інфармацыйнага поля чытачоў па псіхалагічнай навуцы і практыцы. Для здзяйснення гэтай мэты была распрацавана і рэалізавана праграма, у якую ўвайшоў комплекс мерапрыемстваў.
7 кастрычніка — шырокамаштабная выстава новай літаратуры «Многогранная психология» ў фае Бібліятэкі;
8 кастрычніка — сустрэча з псіхолагам прафесійнага псіхалагічнага цэнтра «Инсайт» А. У. Лянцэвіч. У рамках сустрэчы быў праведзены трэнінг «Як людзі спраўляюцца з жыццёвымі цяжкасцямі: стратэгіі саўладання»;
10 кастрычніка — сустрэча з клінічным псіхолагам, галоўным пазаштатным псіхолагам Галоўнага ўпраўлення па ахове здароўя Брэсцкага аблвыканкама В. В. Тарасавым. У рамках сустрэчы адбылася бяседа-трэнінг «Свабода ад трывогі».
У ходзе мерапрыемстваў, удзельнікамі якіх сталі студэнты і выкладчыкі псіхолага-педагагічнага факультэта БрДУ імя А. С. Пушкіна, навучэнцы Брэсцкага прафесійна-тэхнічнага каледжа прыборабудавання, а таксама чытачы розных катэгорый, Т. В. Глазкова пазнаёміла з інфармацыйнымі рэсурсамі Бібліятэкі па псіхалогіі і зрабіла прэзентацыю выставы літаратуры «Многогранная психология».
Для наведвальнікаў мерапрыемстваў былі падрыхтаваны і распаўсюджаны «Карысныя псіхалагічныя лайфхакі».
З 7 кастрычніка адбываецца акцыя «Кожная другая кніга па псіхалогіі ў агульнай чытальнай зале на дом — бясплатна», яна працягнецца да 30 кастрычніка.
Глазкова Тамара Васільеўна,
Кантактны тэлефон: +375 162 57 48 74