Not seeing a Scroll to Top Button? Go to our FAQ page for more info.
 

Электронны рэсурс «Агонь душы Ніны Мацяш»

Электронны рэсурс «Шчыраверная слову. Галіна Малажай»

Электронны рэсурс «Уладзімір Калеснік — чалавек Адраджэння»

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



Мерапрыемствы ў бібліятэцы

Мерапрыемствы ў бібліятэцы

Мерапрыемствы ў бібліятэцы

Штогод 21 лютага ва ўсім свеце адзначаецца Міжнародны дзень роднай мовы. Гэта свята, абвешчанае 17 лістапада 1999 г. на 30-й сесіі ЮНЕСКА, накіравана на захаванне моўнай і культурнай разнастайнасці ў свеце, недапушчэнне знікнення ўнікальных моўных гаворак, а таксама забеспячэнне права кожнага грамадзяніна карыстацца роднай мовай.

Родная мова кожнага народа з’яўляецца той духоўнай спадчынай, па якой ён вызначае сваю адметнасць сярод іншых народаў свету. Неабходнасць захавання роднай мовы як культурнай спадчыны і культурнай разнастайнасці чалавецтва не выклікае сумневаў.

Рэспубліка Беларусь — поліэтнічная дзяржава, у якой пражываюць больш за 140 народнасцей, і ў любога іх прадстаўніка ёсць магчымасць карыстацца роднай мовай. Для большасці жыхароў Рэспублікі Беларусь роднай мовай з’яўляецца беларуская.

Да Міжнароднага дня роднай мовы ў Брэсцкай абласной бібліятэцы імя М. Горкага адбыўся шэраг мерапрыемстваў. У дзіцячы аддзел на літаратурную гульню «Старонкі з моўнай скарбонкі» завіталі вучні 3 «Б» кл. ДУА «ВВК дзіцячы сад – пачатковая школа № 5 г. Брэста». Падчас мерапрыемства дзеці пазнаёміліся з беларускімі прыказкамі, прымаўкамі і прыкметамі. Даведаліся, што гэтыя кароткія моўныя выразы ўзбагачаюць нашу мову, робяць яе выразнай і паэтычнай. Таксама маленькія госці з задавальненнем чыталі ўслых казкі беларускіх пісьменнікаў, разгадвалі загадкі, успаміналі любімыя беларускія словы.

У аддзеле выданняў на замежных мовах ўдзельнікі Клуба інтэлектуальнага развіцця 50+ зладзілі цёплую сустрэчу, прысвечаную культуры і традыцыям розных краін: на сустрэчы гучалі беларуская, украінская, руская, польская і нямецкія мовы. У атмасферы дабрыні і сяброўскай падтрымкі дзяліліся каштоўнасцямі і разглядалі сямейныя рэліквіі: старажытныя вышыванкі, лялькі, вышытыя карціны, плеценыя паясы і інш. Кожнага з удзельнікаў аб’ядноўвалі любоў да роднай мовы, культуры і традыцый свайго народа, павага да суседзяў і адно аднаго.

Нагадваем, што ў аддзеле абанемента да 6 сакавіка працуе выстава «Роднай мовы гук чароўны», прысвечаная святу.


Зварот да спісу