Засваенне космасу — адна з самых яскравых старонак гісторыі ўсяго чалавецтва. Першы савецкі касманаўт Юрый Гагарын, прамовіўшы 12 красавіка 1961 г. знакамітае «Паехалі!», адкрыў новую эру развіцця чалавечай цывілізацыі. Наведаўшы нашу выставу, чытачы змогуць пазнаёміцца з матэрыяламі пра касмічныя дасягненні, планы і перспектывы ў галіне касманаўтыкі. Мы ганарымся тым, што беларусы Пётр Клімук, Уладзімір Кавалёнак, Алег Навіцкі ўваходзяць у сям’ю касманаўтаў. На экспазіцыі падабраны артыкулы пра развіццё касмічнай галіны ў Рэспубліцы Беларусь, сумесную працу над касмічнымі праектамі ў рамках Саюзнай дзяржавы.