Not seeing a Scroll to Top Button? Go to our FAQ page for more info.
 

Электронны рэсурс «Агонь душы Ніны Мацяш»

Электронны рэсурс «Шчыраверная слову. Галіна Малажай»

Электронны рэсурс «Уладзімір Калеснік — чалавек Адраджэння»

Віртуальны музей «Ян Чачот — прадвеснік беларускага Адраджэння»

Электронный ресурс «Узняцца да лёсу чалавечага: да 75-годдзя з дня нараджэння Валянцiны Локун (1946–2016)»



«Кантэкст»: сустрэча з берасцейскім аўтарам

«Кантэкст»: сустрэча з берасцейскім аўтарам

«Кантэкст»: сустрэча з берасцейскім аўтарам

30 кастрычніка на сустрэчу з удзельнікамі чытацкага клуба «КанТэкст» прыйшоў берасцейскі аўтар Анатоль Брытун. Многія крыніцы называюць яго белавежскім летапісцам, беларускім Феніморам Куперам.


Аўтара заўсёды здзіўляла: ёсць Аляска — і Джэк Лондан прысвятіў ёй шэраг твораў, ёсць прэрыі — і кнігі Фенімора Купера. А ў нас — самы лепшы і прыгожы лес ва ўсёй Еўропе, але няма ніводнай прыгодніцкай кнігі пра яго.


Анатоль Брытун вырашыў гэта выправіць. Так і з'явіўся раман «Пах мускусу». Падзеі ў рамане ахопліваюць перыяд з 1840 па 1917 гг. Аўтар лічыць, што прыгодніцкая кніга папулярызуе гісторыю роднага краю больш за навуковыя працы даследчыкаў.


У 2015 г. выйшаў раман «Сяліба», дзе аўтар знаёміць з гісторыяй жыцця свайго дзеда, які пражыў амаль за сто гадоў і ўбачыў Першую сусветную вайну і бежанства.


Да тысячагоддзя Брэста выйшла трэцяя кніга пісьменніка — «Трылогія прыгод тысячагоддзя». Прыгодніцкі раман пераносіць нас у часы вікінгаў, барацьбы з мангола-татарамі, крыжакамі.


Аўтар ганарыцца тым, што фрагменты твора «Пах мускусу» ўключаны ў дапаможнікі для факультатыўных заняткаў для 7-га і 9-га класаў. Лічыць гэта выдатнай магчымасцю пазнаёміць дзяцей з гісторыяй свайго краю.


Не раз творы аўтара траплялі ў топ-5 лепшых кніг месяца, які публікуецца на сайце абласной бібліятэкі ў рубрыцы «Чытацкі рэйтынг».


Заслужаны журналіст, выдавец, пісьменнік Георгій Тамашэвіч прачытаў верш, прысвечаны Анатолю Арцёмавічу, у якім згадаў кнігі, майстэрства і цікавасць да гісторыі.


Сустрэча атрымалася вельмі цёплай і эмацыйнай. Слухачы цікавіліся творчымі планамі пісьменніка. Яны ўбачылі пісьменніка рамантыкам, папулярызатарам малой радзімы, добрым пісьменнікам і чалавекам.



Аддзел абанемента

+375 162 57 48 09



Зварот да спісу

Похожие материалы