Брестская областная библиотека имени М. Горького |
|
Брестская областная библиотека имени М. Горького |
|
У рамках святкавання 125-годдзя з дня нараджэння выдатнага беларускага паэта Максіма Багдановіча Бібліятэка прапануе выставу літаратуры “Паэтычная крыніца Максіма Багдановіча”.
Максім Адамавіч Багдановіч стаў адной з першых зорак на небасхіле нацыянальнай паэзіі і застаецца лепшым крытыкам і гісторыкам роднай літаратуры, яе класікам і перакладчыкам.
Выстава раскрывае жыццёвыя старонкі і багатую творчую спадчыну Максіма Багдановіча. Менавіта яго творчая спадчына – істотная частка духоўнай культуры беларускага народа. Паэт першым паспрабаваў розныя формы вершаў, у тым ліку санеты, трыялеты, ронда, з якімі можна пазнаёміцца на выставе.
На экспазіцыі можна пабачыць і пазнаёміцца са шматлікімі творамі Максіма Багдановіча, у тым ліку са знакамітым зборнікам вершаў “Вянок”, паэтычным зборнікам “Пярсцёнак”, у які ўвайшлі творы з нявыдадзеных зборнікаў “Шыпшына” і аднаіменнага “Пярсцёнка”. Тут жа змешчаны тры выданні аўтара, перакладзеныя на дзесяць моў свету. Адметнай рысай вершаў Багдановіча з’яўляецца тое, што яны беларускія не толькі па слове, але і па духу.
Выставу дапаўняюць цікавыя старонкі біяграфіі творцы, водгукі аб яго творчасці, фотадакументы і нават ноты песень на вершы Максіма Багдановіча.
З матэрыяламі экспазіцыі “Паэтычная крыніца Максіма Багдановіча”(Да 125-годдзя з дня нараджэння) можна пазнаёміцца ў агульнай чытальнай зале Бібліятэкі з 8 снежня.
Кананчук Надзея Віктараўна, вядучы бібліятэкар агульнай чытальнай залы
Тэлефон для даведак +375 (162) 20 90 35